°·.·• صَــ الوٍد ـدوق.من قٍدك المآيك بيُدك•·.·° - الصفحة 2

صـــدوق الـــود · رقم المشاركة : ( 11 ) 19-01-09, 03:20 PM

مرحبا فيكم يا حلوين للمرة العاشرة هع ..

وش بقى ما تكلمنا عنه .؟ << من كثر مواضيعك عاد هع ..

طيب اليوم بقولكم عن شي يلفت انتباهي بالمنتديات ..

طبعًا أنا أتكلم عن المنتديات اللي سجلت فيها وشاركت فيها حتى لو ما استمريت فيها ..
لكن أكيد كل مشاكل المنتدى زي بعض ..

الشي هذا أشوفه مشكلة وأستغربها .. يعني يجيك واحد ويسجل بالمنتدى ويكتب موضوع ترحيب ويظهر عليه إن مندفع بقوة للمشاركة ..
في أقل من يومين من تسجيله تلاحظ إنه مسجل عشان غرض معين ! ..
وعشان هالغرض تلاحظ إنه يسوي مخالفات ممنوعة بالمنتدى .. يعني يجيك ويطرح موضوع مرفوض ومخالف لقوانين المنتدى .. وبعد ما يتم حذفه من قبل المراقب أو المدير يحقد عليهم .. وش يسوي هنا عشان يرد عليهم ؟

يخالف أكثر وتتوقف عضويته .. بعد كذا يبدأ مسلسل العضويات المختلفة ! ..
تلاحظه يسجل بعضوية ويكتب مواضيع مخالفة كثيرة .. أو يتكلم على الأعضاء .. وتوقف عضويته أيضًا ..
ويسجل بعضوية ثالثة ويسوي نفس الشي .... وهكذا ..

طيب انت ياللي تخالف .. أكيد جاك تنبيه من الإدارة إن هذا الشي مرفوض ومخالف للقوانين .. طيب ليش تفهمه غلط وتحقد عليه ؟ .. هذا إذا فهمت غلط أصلاً .. أنت فاهم عليه مية بالمية بس تبي تسوي ازعاج بالمنتدى .. وفي الأخير التعب عليك والله .. لانك تسجل وتحط ايميل جديد وبهذله .. والمدير واقف لك على زر الإيقاف .. وينتفك بضغطه وحدة هع ..

لا والأدهى والأمر من ذلك .. السيئات اللي حصلت عليهم من عملك هذا .. يعني تجي وتقول في العضو الفلاني شي ماهو فيه .. وهذا غيبه كما وضحها الرسول صلى الله عليه وسلم .. والله سبحانه وتعالى يقول : ( ما يلفظ من قول إلا لديه رقيب عتيد ) .. والآية ذي حطوها إدارة زمن عند باب الصندوق حق الرد هع هع << يمدحكم الحين

فصراحة أنا أستغرب من اللي يسوون زي كذا .. يعني من الأساس ليش تسجل عشان هالشي اللي جيت عشانه وتعرف إنه مرفوض ..
وفي الأخير ما راح تقدر تسوي شي ..

الله يهديهم بس ..

طيب يا حلوين شويات وراجع لكم << عاد ما ندري وش طول هالشويات هع ..

وش نقول دايم :)

من قدي .. المايك بيدي << والله ما أعطيه أحد هع هع ..

صـــدوق الـــود · رقم المشاركة : ( 12 ) 19-01-09, 03:38 PM

طيب يا حلوين ..

صراحة ما عاد عندي شي في بالي أقوله لكم ..
وتعرفون المايك ينسيك كل شي .. ولما تخلص منه يجيك اللي تبيه ..
بس ترى برجع لو ذكرت شي حتى لو اخترتوا غيري << نشبه هع ..

عشان كذا .. أحب أختم حديثي معكم << حلوة حديثي

واترك لكم المجال في هاليومين اللي بقوا من استضافتي ..

يعني من الليلة خذوا راحتكم واسألوني عن اللي تبون .. طبعًا من خلال ما كتبت .. عشان ما يصير كرسي إعتراف ..

وأنا حاضر بالأجوبة إن شاء الله ..

ويمكن من خلال الأسئلة تذكروني بشي كنت ناسيه وأحب أذكره لكم ..

وفي الختام أحب أشكر البطلة " الريم " على جهودها وطرح مثل هالمواضيع الرائعة ..
وأقول لها : استمري يا بطلة .. وخليك دايم بطلة كذا .. وإذا ما صرتي بطلة ترى ما يصلح لازم تصيرين بطلة وعشان تصير بطلة لازم تصير مواضيعك بطلة مثلك يا بطلة << كم بطلة في النص السابق هع << حشش الأخ ..

الحين وخروا فديتكم << كرشة محترمة هع

انتهيت .. والآن المجال لكم أيها الأعضاء << ملتزم بالقوانين لبى قلبي :)

ملامح دلع · رقم المشاركة : ( 13 ) 19-01-09, 04:27 PM

وعليكم السلام ورحمة الله وبركاته

مسااء الوورد ندوور

تاابعت ماايكك من اوله الى ااخر رردين

ااستمتعت كثييرر بالقرراءه

عجبني تكلمك عن بعض الاعضااا

اقتباس


	ملامح دلع : إنسانه مرحة .. اخلاقها حلوة ، حضورها حلو ، تحب القطو كثير ههههههههههه ، موفقة خير ملوحة ..

مااعليك زوود وواللهي ااخلاقك الاحلى

اايه هيين هين ااحب القطووه خخ

<<لاتصدقوون ووسدحون لي

وومووتني ضحك لما قرريت

اانك تكررهه البررد <<يحبك للدجه

اقتباس


	نادر العتيبي

ووالنعم بالعتباان <<منتدى عتيبي بحت

وواخرر طررح طررحته عن ظااهره تسجيل

بعض الاعضاا ووطررحهم لموواضيع المخالفه

<<ااطلقت ماايكي بالفعل هذاا مانره

ندوور

مااقصررت ع طلتك الحلووه

يعااافيك ربي

وهذه هديه مني لصوره حبيبتك

نقرتين لعرض الصورة في صفحة مستقلة

روحي تحبك · رقم المشاركة : ( 14 ) 19-01-09, 04:44 PM

اهلا وسهلا بصندوق الود
تدري اني انا كنت الضحيه للمايك لكني اعتذرت وقتها ...يعني بالعربي اذا طبيت في مصيبه اعرف اني وراها،،،، نقرتين لعرض الصورة في صفحة مستقلة

سوالفك حلوه ويعجبني فيك انك تتكلم بسجيتك وطبيعتك....
على طاري زحلقتك في المطبخ...شكلك مكروف في المطبخ خخخخخخخخخ يااخي خل عندك شخصيه وقل ابي خدامه والا رح لاهللك(اطمح)
يااخي ماتلاحظ أن عمر الانسان قصير مرره مايستفيد منه دنيوياً،،تخيل معي من بداية عمره حتى 18 سنه وهو في كرف وتكفيخ من أهله ومن المدرسين وبعد مايتخرج من الثانويه ويروح للجامعه يكرف وبعد مايخلص الجامعه يصير عمره 24 سنه وبعدين يتعب ويشقى يدور وظيفه ..ثم يتعب ويشقى يبي يتزوج ...اذا تزوج يجي له ولد والا ثنين وسنه ويموت نقرتين لعرض الصورة في صفحة مستقلة

...يعني الدنيا مامنها فائده...وش رايك توافقني هذا الرأي؟؟؟
السؤال الثاني
هل اخترت تخصصك عن رغبه او مرغماً؟
وش رايك في المقوله (اذا ضربت اضرب بالكائد) ...ليه مااخترت تخصص علمي ومضمون التوظيف؟
السؤال الثالث
انت تعرف أننا اهلنا يصفقوننا قبل..هل ترى أن ضرب الوالدين لولدهم او بنتهم ...يخلق فجوه بين الوالدين وابنهم وقد يؤثر على بره لهما؟
السؤال الرابع
هناك غرفة مظلمه وبداخلها شخص ،،،لو طلب منك ان تدخل هذا الغرفه وتقبل الشخص،،من تتمنى ان يكون هذا الشخص؟؟
السؤال الرابع
على أفتراض انه عندما دخلت الغرفه وتحسست الشخص اجتهدت اجتهاداً كبيراً في تقبيل هذا الشخص..على أمل ان يكون حليمه بولند،،ولكن عندما خرجت من الغرفه..لاحظت أن كونداليزا رائس قد خرجت وراءك وهي في قمة السعادة؟ماموقفك؟
وختاما شكر للريم على الموضوع التحفه والمميز

وشــــم · رقم المشاركة : ( 15 ) 19-01-09, 05:22 PM

وعليكم السلاام ورحمة الله وبركاته

اقتباس


	وشم : مواضيعها روعة .. أسلوبها ، فرفوشة ، أخلاق .. ومبدعة بحضورها .. موفقة خير وشوم ..

هل سمعت بحروفتباهت لروعة من عانقتها اعينهم
اشراقة رائعة اوحت لي بأبتسامةخجلة..

\**

ربما لا أجيد فن المجاملة والأطراء
ولكن اريد ان اعلق علىماخطته يداك لنا
وها أنا بدأت اتكتك على الكيبورد
لأصافح.. ذكرياتك , طفولتك , مواقفك
قصصك , حكاياك..
اللتي بدت مشرقة في صفحاتك
جميل ماذكرته لنا..
كلمة اهمسها لك قبل رحيلي
دمت براحة بال اخي
\

\

وشم

بنت ولد جدي · رقم المشاركة : ( 16 ) 19-01-09, 07:07 PM

:zmnnn (43):

استمعت ... واستمتعت ..

ويآليتك مآتنآزلت عن المآيك وكملت .. < مآينعطون وجه .. نقرتين لعرض الصورة في صفحة مستقلة

عوآفي يالغلا ... نقرتين لعرض الصورة في صفحة مستقلة

روُح الْمَطَر · رقم المشاركة : ( 17 ) 19-01-09, 10:25 PM

أَهْلَاً أُسْتَاذٍي ..

حَدِيثَكَ وَشخَصيِتَكَ صوُرَةْ عَاكِسَة لِ تِلْكَ الْروُحْ الَأكثْرَ مِنْ رَائِعَة حيْثَ الْمَزَحْ
وَطيِبَة الْقَلْبْ .. فَ أسْتَمْتَعْنَا كَثِيرَاً بِ الِإْسْتِضَافَة بِ كُلْ مَاحَمَلتْهُ مِنْ
حُروُف عَفَوِيَة .. وَأحْبَبْنَاهَا أيْضاً كَ قَلْبِكَ الْطَاهِرْ ...

،

وِمِنْ قْدَنَا الْمَايْكَ بِيَدْنَا <.. بَرَا :)

MiSs _ThArBa · رقم المشاركة : ( 18 ) 19-01-09, 11:11 PM

يعطيكــ العآفيـــــــهـ

المآيكـــــــ كان ممتع معاكـــ ومميــــز

كلامكــ ومواقفكــ تدل عل عفويتكــ وخفه دمكـــ

::يسلمو ::

روحي تحبك · رقم المشاركة : ( 19 ) 20-01-09, 02:02 AM

صدوق تأخر
شكله ماطلع من المطبح للحين نقرتين لعرض الصورة في صفحة مستقلة

عذبة الآنفاس · رقم المشاركة : ( 20 ) 20-01-09, 02:25 AM

اقتباس


	اممممممممم طيب أبدأ معكم بموقف طريف حصلي قبل فترة :) كنت جاي مرة ومعي أغراض بدخلها المطبخ .. دخلت المطبخ .. وش تتوقعون لقيت ؟ لقيت موية منكبة على البلاط .. عاد تخيلوا موية مع بلاط سراميك :( نشوف وش صار لي ؟ دخلت وشفت الموية اول ما دخلت .. تذكرت برنامج ( خذ الحذر ) اللي كان يجي على القناة الأولى وانا صغنون خخخخخخ المهم قلت بمشي بهدوء عشان ما ازحلق والا شي .. مشيت بهدوء للثلاجة .. وبهدوء .. وانتبه يا صدوق هع هع << عيشوا الجو .. عاد اتخيل جوي لقطة بمسلسل ومعه موسيقى مخيفة << اخلص بس .. المهم مالكم بالطويلة << انت اللي تطولها واجي لما قربت من الثلاجة وبكل هدوء ازحلق واطير فوووووووووق وانزل على ظهري هههههههههههههههههههههههههههه وش تتوقعون انكسر فيني ؟ .. الظهر ، الحوض ، اليدين ... الخ قسم ولا حسيت حتى بألم هههههههههههههههههه بس لحد الآن كلما أتذكر الموقف اموت ضحك .. حتى الحين وانا اكتبه قسم ميت ضحك .. واللي يضحكني ان كل هالطيحة تقول بالحركة البطيئة .. المهم قمت بسرعه واجمع أغراضي قبل لحد يجي يضحك علي هههههههههههههههههههههه وزين عدت على خير :)

هههههههههههههههههههههههههههههههه صدوق أحس شكلك كآن تحفه
ينفع مقطع بلوتوث ..

اقتباس


	عذبة الأنفاس : عضوة رائعة بمعنى الكلمة .. تعجبني شخصيتها بالمنتدى ، حروفها ، تعاملها ، ردودها .. موفقة خير عذوب ..

ربي يسلم قلبك ويسعدك دنيآ وآخرة .. شهآدتك فيني تعني لي الكثير والله

والله يوفقك لكل خير و ينور دربك ..

الله يسلمكم اسمي : نادر العتيبي ..
أبلغ من العمر 26 ربيعًا << ياعمري على الكلمة :)
حاصل على بكالوريوس في اللغة العربية من جامعة الملك سعود بالرياض ..
مع إني بعد التخرج أحس انزاح هم كبير مرة عن صدري وكان يخطر ببالي أشيل شي اسمه دراسة من بالي ..
لكن ما أخفيكم إني حبيت الحصول على مؤهلات أكثر وأزيد من تعليمي .. فدار براسي هالأيام فكرة الماجستير ..
عسى ربي يوفقني ويدلني للصحيح اللي فيه خير سواء أدرسها أو لا ..
ودعواتكم لي ياحلوين :)

و النعم فيك أخوي

و الله يوفقك لكل خير و يسسر أمورك ..

اقتباس


	من هواياتي : النت .. لا يمكن أتخيل نفسي بدون نت .. أحس إني تعمقت فيه لأبعد الحدود .. وغطست ببحره لآخر عمق فيه ..

اقتباس


	لدرجة إن له تأثير علي في دراستي الله يسامحه :(

أقتبس هنا لأني بسأل بس بكتب السؤال آخر شي

اقتباس


	طيب اليوم بقولكم عن شي يلفت انتباهي بالمنتديات ..

اقتباس


	طبعًا أنا أتكلم عن المنتديات اللي سجلت فيها وشاركت فيها حتى لو ما استمريت فيها .. لكن أكيد كل مشاكل المنتدى زي بعض .. الشي هذا أشوفه مشكلة وأستغربها .. يعني يجيك واحد ويسجل بالمنتدى ويكتب موضوع ترحيب ويظهر عليه إن مندفع بقوة للمشاركة .. في أقل من يومين من تسجيله تلاحظ إنه مسجل عشان غرض معين ! .. وعشان هالغرض تلاحظ إنه يسوي مخالفات ممنوعة بالمنتدى .. يعني يجيك ويطرح موضوع مرفوض ومخالف لقوانين المنتدى .. وبعد ما يتم حذفه من قبل المراقب أو المدير يحقد عليهم .. وش يسوي هنا عشان يرد عليهم ؟ يخالف أكثر وتتوقف عضويته .. بعد كذا يبدأ مسلسل العضويات المختلفة ! .. تلاحظه يسجل بعضوية ويكتب مواضيع مخالفة كثيرة .. أو يتكلم على الأعضاء .. وتوقف عضويته أيضًا .. ويسجل بعضوية ثالثة ويسوي نفس الشي .... وهكذا .. طيب انت ياللي تخالف .. أكيد جاك تنبيه من الإدارة إن هذا الشي مرفوض ومخالف للقوانين .. طيب ليش تفهمه غلط وتحقد عليه ؟ .. هذا إذا فهمت غلط أصلاً .. أنت فاهم عليه مية بالمية بس تبي تسوي ازعاج بالمنتدى .. وفي الأخير التعب عليك والله .. لانك تسجل وتحط ايميل جديد وبهذله .. والمدير واقف لك على زر الإيقاف .. وينتفك بضغطه وحدة هع .. لا والأدهى والأمر من ذلك .. السيئات اللي حصلت عليهم من عملك هذا .. يعني تجي وتقول في العضو الفلاني شي ماهو فيه .. وهذا غيبه كما وضحها الرسول صلى الله عليه وسلم .. والله سبحانه وتعالى يقول : ( ما يلفظ من قول إلا لديه رقيب عتيد ) .. والآية ذي حطوها إدارة زمن عند باب الصندوق حق الرد هع هع << يمدحكم الحين فصراحة أنا أستغرب من اللي يسوون زي كذا .. يعني من الأساس ليش تسجل عشان هالشي اللي جيت عشانه وتعرف إنه مرفوض .. وفي الأخير ما راح تقدر تسوي شي .. الله يهديهم بس ..

ظآهرة غبييية مرة

و تدل علىآ فرآغ أصحاب العضويآت الكثيرة

صدوق ..}

المآيك معك كآن مليء بالتلقآئية و العفوية
روحك الحلوة و قلبك الأبيض النقيء أنعكس من خلآل حديثك
و مواقفك التي ذكرت ..

عندي سؤالين

س1: تخصصك , أخترته حب بـ اللغة العربية ..؟

س2: الفآئدة التي خرجت بها من النت ..؟

لك الزهر عذوب

إحصائية مشاركات » صـــدوق الـــود
عدد المواضيـع :	83
عدد الـــــــردود :	9159
المجمــــــــــوع :	9,242

إحصائية مشاركات » صـــدوق الـــود
عدد المواضيـع :	83
عدد الـــــــردود :	9159
المجمــــــــــوع :	9,242

إحصائية مشاركات » ملامح دلع
عدد المواضيـع :	239
عدد الـــــــردود :	5581
المجمــــــــــوع :	5,820

إحصائية مشاركات » روحي تحبك
عدد المواضيـع :	328
عدد الـــــــردود :	10916
المجمــــــــــوع :	11,244

إحصائية مشاركات » وشــــم
عدد المواضيـع :	211
عدد الـــــــردود :	2988
المجمــــــــــوع :	3,199

إحصائية مشاركات » بنت ولد جدي
عدد المواضيـع :	162
عدد الـــــــردود :	1402
المجمــــــــــوع :	1,564

إحصائية مشاركات » روُح الْمَطَر
عدد المواضيـع :	26
عدد الـــــــردود :	1126
المجمــــــــــوع :	1,152

إحصائية مشاركات » MiSs _ThArBa
عدد المواضيـع :	33
عدد الـــــــردود :	595
المجمــــــــــوع :	628

إحصائية مشاركات » عذبة الآنفاس
عدد المواضيـع :	146
عدد الـــــــردود :	21053
المجمــــــــــوع :	21,199

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري