بندى الزنبق

وشاعرية الزيزفون

وفتنة الريحان

ونسيم الياسمين

بكـــــــــــــــــل

رومانسية

أستعطر بها

صـدوق..}

أحيّي روحك الهاتفه

وصداكِ المتناثر

وجنون ذوقكِ الثائر

تمنيت لو طآل الحديث أكثر : )

سعدنـآ بـ " أنت "

يـآرآئع

لـكـ من العمق سر ُُ يـكسبك التألق

كن كـ أنت دوماً

طبت


/

انا متابع ومتابع كذا تسوي خيانه تفتح المجال ولا تعلمن

نادر العتيبي والله ونعم يالغلا

وصراحه المايك معاك شي حلو وعلى ماق ال روحي تحبك

تتكلم على طبيعتك

تفضل طال عمرك ..~


- موقف ماراح ينساه نادر ؟

- نادر العتيبي من الاشخاص اللي يمتكلون الشجاعه ( للسماح ) ؟ يعني تقدر تسامح الاشخاص اللي اخطوا وياك ؟

- هل تذكر المدرس اللي درسك فقه في صف رابع ابتدائي < خشه غلط :)

ووبس يالغلا ..~

هلا فيك ملوحة :)

منورتني بطلتك الحلوة ..
ونعم بحالك يالغالية ..

وأشكرك على أحسن هدية .. فديت الخشة :)


ودي ،،

هلا فيك روحي ..
منورني بطلتك يا بطل ..

اقتباس سوالفك حلوه ويعجبني فيك انك تتكلم بسجيتك وطبيعتك....

يارجال فكرت قلت خلني أتكلم عامي أحسن .. عشان استرسل بالكلام ..
لأن الأسلوب الأدبي يوقفك في نص الطريق :)

اقتباس شكلك مكروف في المطبخ خخخخخخخخخ يااخي خل عندك شخصيه وقل ابي خدامه والا رح لاهللك(اطمح)

خخخخخخخخخخخ

الله ياخذ ابليسك قل آمين :)
يارجال فيه شغالة بس مسوي رحوم فيها أنا :)
صدق يعني الشغالات مساكين تنكرف من الفجر الين الساعة 11 بالليل :(

اقتباس يااخي ماتلاحظ أن عمر الانسان قصير مرره مايستفيد منه دنيوياً،،تخيل معي من بداية عمره حتى 18 سنه وهو في كرف وتكفيخ من أهله ومن المدرسين وبعد مايتخرج من الثانويه ويروح للجامعه يكرف وبعد مايخلص الجامعه يصير عمره 24 سنه وبعدين يتعب ويشقى يدور وظيفه ..ثم يتعب ويشقى يبي يتزوج ...اذا تزوج يجي له ولد والا ثنين وسنه ويموت ...يعني الدنيا مامنها فائده...وش رايك توافقني هذا الرأي؟؟؟

والله من ناحية إن الدنيا ما منها فائدة .. فأنا معك بالكلام هذا صراحه ..
اسمها دنيا .. يعني في القاع ..
لكن من ناحية شقى الإنسان هذا اللي لازم يسويه عشان مستقبله ..
ومن ناحية الدين والله معك مقصرين بشكل مخيف صراحه .. يعني المفروض هو اللي يستحق كل هالاهتمام .. لكن فيه ناس هداهم الله .. تلقاه من سن العشرين ما شاء الله عليه ملتزم بأمور دينه ويعرف اللي له واللي عليه .. وشفت نماذج صراحة من الشباب في الجامعة .. تشوفهم في سن مبكرة بس ما شاء الله عليه ملتزمين وحتى والله كلامه اذا تكلم معك ما ودك ينتهي منه .. ولا هو متشدد ولا شي ..

اقتباس هل اخترت تخصصك عن رغبه او مرغماً؟ وش رايك في المقوله (اذا ضربت اضرب بالكائد) ...ليه مااخترت تخصص علمي ومضمون التوظيف؟

لا والله اخترته برغبتي ورغبة أخوي :) .. يعني أخوي كان معي وهو اللي سجلني .. تعرف يجيك الواحد بعد الثانوية كل شي جديد عليه .. ويفكر ما فيه أمل يدبر نفسه لحاله .. المهم سلمك الله أخوي نصحني فيه لأنه كان سوقه ماشي ذيك الايام هع .. بس مع الأسف الوقت هذا نزل السوق حقه .. تقول سوق الأسهم :)

من ناحية المقولة والله إني أشوفها مقولتن جيدة ورائعة .. حتى إذا قريتها تحس فيها القوة والصلابة :) ، التخصص العلمي راح علي من أيام الثانوي .. لأني دخلت أدبي :( .. واللي خلاني بعد كذا أندم وأتمنى أعيد دراستي من جديد :( .. لكن نقول الحمد لله على كل حال وهذا النصيب .. وتعرف عاد الأدبي تخصصاته محدودة مثل اللغة العربية والإعلام والاجتماع .. الخ .. أما مسألة طب ، صيدلة ، حاسب ، انجليزي .. تبطي عظم .. لازم علمي وبنسبة طيبة ..

اقتباس انت تعرف أننا اهلنا يصفقوننا قبل..هل ترى أن ضرب الوالدين لولدهم او بنتهم ...يخلق فجوه بين الوالدين وابنهم وقد يؤثر على بره لهما؟

والله شف .. بعض الوالدين وبالذات الأب .. يجيك عربجي ومنتهي ويضرب بأقرب شي له خخخخ
يعني مع احترامي له ما يدري كيف يتصرف مع أولاده .. أنا ما أقوله لا تضربهم .. الضرب مطلوب صراحة بس مو شرط .. يعني المفروض تضربه عند حاجات تأثر عليه وعلى تربيته وأخلاقه .. مو تضربه عند كل شي يصير .. تقدر ترفع صوتك عليه وتنبهه عن الغلط اللي سواه بس ما تضربه .. وأنا أقول فعلاً ممكن الضرب يخلق فجوة لكن مو كل ضرب .. أحيانًا ودك تمسك الولد وتبطه هع هع .. بس أهم شي ما تزرع في نفسه شي يكبر معه دايم .. يعني ممكن تكون في باله دوم وما ينساها وبالتالي يصير لها تأثير على نفسيته ..

خلني أذكر لك موقف لواحد من عيال عمي .. كان صغير يقول جاني أبوي وقال قم صل .. يقول قلت لا << شف بس .. فجاك عمي وبالعصا وعلى الراس ههههههههههههههه .. قريب يتذكر هالموقف هو .. بس ما أخذ في خاطره إنه موقف مؤثر .. بالعكس كان مستغرب كيف رد على أبوه بالجواب ذا .. وخصوصًا إنه صلاه يعني في هالحالة ودك تضربه وتخلص عليه بعد << مجرم :)

اقتباس هناك غرفة مظلمه وبداخلها شخص ،،،لو طلب منك ان تدخل هذا الغرفه وتقبل الشخص،،من تتمنى ان يكون هذا الشخص؟؟

امممممم والله الإحراج .. طيب بقول أمي الله يخليها لي .. أقبل رأسها لأن لها حق علي :)
سؤال حلو مثلك يا روحي ..

اقتباس على أفتراض انه عندما دخلت الغرفه وتحسست الشخص اجتهدت اجتهاداً كبيراً في تقبيل هذا الشخص..على أمل ان يكون حليمه بولند،،ولكن عندما خرجت من الغرفه..لاحظت أن كونداليزا رائس قد خرجت وراءك وهي في قمة السعادة؟ماموقفك؟

أجمل يارجال من حليمة .. لا يغرك شكل حليمة ترى كله مكياج هههههههههههه .. تصدق عاد بذبحها مو عشان التقبيل لا .. عشاني أكرهها كشخص مسلم :)


الله يعطيك العافية روحي على الأسئلة الرائعة ..
وحياك بأي وقت يا مجرم :)

اقتباس هل سمعت بحروفتباهت لروعة من عانقتها اعينهم اشراقة رائعة اوحت لي بأبتسامةخجلة.. \** ربما لا أجيد فن المجاملة والأطراء ولكن اريد ان اعلق علىماخطته يداك لنا وها أنا بدأت اتكتك على الكيبورد لأصافح.. ذكرياتك , طفولتك , مواقفك قصصك , حكاياك.. اللتي بدت مشرقة في صفحاتك جميل ماذكرته لنا.. كلمة اهمسها لك قبل رحيلي دمت براحة بال اخي \ \ وشم

أختي الغالية وشم ..

حقيقةً يتكبّل اللسان أمام حضوركِ الشامخ! ..
فلا أستطيع الرد عليكِ لأيفائكِ حق هذا الحضور الرائع ..
شكرًا لكِ من القلب ..
وآمل أن أكون أسعدتكم بما كتبت ..

ودي

اقتباس المشاركة الأصلية كتبت بواسطة بنت ولد جدي :zmnnn (43): استمعت ... واستمتعت .. ويآليتك مآتنآزلت عن المآيك وكملت .. < مآينعطون وجه .. عوآفي يالغلا ...

هلا فيكِ بنوتة ..
والله ودي ما أتنازل لكن شسمة ما عندي شي أقوله ..
وقلت أعطيكم فرصة وعشان ما نتأخر بالمدة ..
أهم شي استمتعتي :)

أشكركِ على حضوركِ يالغالية ،،

اقتباس المشاركة الأصلية كتبت بواسطة روُح ..} أَهْلَاً أُسْتَاذٍي .. حَدِيثَكَ وَشخَصيِتَكَ صوُرَةْ عَاكِسَة لِ تِلْكَ الْروُحْ الَأكثْرَ مِنْ رَائِعَة حيْثَ الْمَزَحْ وَطيِبَة الْقَلْبْ .. فَ أسْتَمْتَعْنَا كَثِيرَاً بِ الِإْسْتِضَافَة بِ كُلْ مَاحَمَلتْهُ مِنْ حُروُف عَفَوِيَة .. وَأحْبَبْنَاهَا أيْضاً كَ قَلْبِكَ الْطَاهِرْ ... ، وِمِنْ قْدَنَا الْمَايْكَ بِيَدْنَا <.. بَرَا :)

أهلاً بروح المنتدى :)
أنرتي بإشراقتكِ الساطعة ..
لا عبارات لدي لشكركِ على هذا الإطراء يا رائعة ..

ولكن أستطيع القول : دامت إشراقتك ساطعة ،،

لي عودة قريبةٌ جدًا .. للرد على البقية :)


طبتم ودمتم ،،

اقتباس المشاركة الأصلية كتبت بواسطة miss _tharba يعطيكــ العآفيـــــــهـ المآيكـــــــ كان ممتع معاكـــ ومميــــز كلامكــ ومواقفكــ تدل عل عفويتكــ وخفه دمكـــ ::يسلمو ::

هلا فيكِ خيتو :)
التميز في حضوركِ الجميل ..
شكرًا لكِ ..


ودي ،،

اقتباس المشاركة الأصلية كتبت بواسطة روحي تحبك صدوق تأخر شكله ماطلع من المطبح للحين

خخخخخ
لا أبشرك طلعت بس بعد ما طحت هع هع ..