شخصية كبيرة ..

أنا على ثقة تـــــــامه ..

أننا سنسعد بصحبته..

كما سعدنا بمعرفته


رحبو معي بآخونا الغالي../صـدوق الود


سيستلم المآيك آسبوعآ كآملا

/

حيآك آخوي

ومين قدك المآيك بـ/يدك..


/

آلريـم

السلام عليكم ..

أولاً / الحمد لله على سلامتك أختي الريم ..
وأحب أشكركِ على الاختيار .. وأعتذر عن تأخري :)



أحب أذكركم بأني الوقت الحالي أملك اتصالاً سيء جدًا ..
لكن أتمنى أن يتحسن وضعه خلال هذا الأسبوع .. حتى أكون مستمرًا بهذا الموضوع على الأقل ..


سأبدأ معكم رغم عدم امتلاكي بداية الحديث .. فلا أعلم من أين أنطلق ؟ ..


ولحد يقرّب من شخابيطي :)


ومن قدي المايك بيدي :)

اممممممممم

طيب أبدأ معكم بموقف طريف حصلي قبل فترة :)


كنت جاي مرة ومعي أغراض بدخلها المطبخ ..

دخلت المطبخ .. وش تتوقعون لقيت ؟




لقيت موية منكبة على البلاط .. عاد تخيلوا موية مع بلاط سراميك :(

نشوف وش صار لي ؟

دخلت وشفت الموية اول ما دخلت .. تذكرت برنامج ( خذ الحذر ) اللي كان يجي على القناة الأولى وانا صغنون خخخخخخ

المهم قلت بمشي بهدوء عشان ما ازحلق والا شي .. مشيت بهدوء للثلاجة .. وبهدوء .. وانتبه يا صدوق هع هع << عيشوا الجو ..

عاد اتخيل جوي لقطة بمسلسل ومعه موسيقى مخيفة << اخلص بس ..

المهم مالكم بالطويلة << انت اللي تطولها

واجي لما قربت من الثلاجة وبكل هدوء ازحلق واطير فوووووووووق وانزل على ظهري هههههههههههههههههههههههههههه

وش تتوقعون انكسر فيني ؟ .. الظهر ، الحوض ، اليدين ... الخ


قسم ولا حسيت حتى بألم هههههههههههههههههه

بس لحد الآن كلما أتذكر الموقف اموت ضحك .. حتى الحين وانا اكتبه قسم ميت ضحك ..

واللي يضحكني ان كل هالطيحة تقول بالحركة البطيئة ..

المهم قمت بسرعه واجمع أغراضي قبل لحد يجي يضحك علي هههههههههههههههههههههه

وزين عدت على خير :)



وراجع لكم ..

ومن قدّي .. المايك بيدّي :)

عدنا :)

يا هلا بالحلوين ..


طيب اليوم ابمدحكم هع ..

صراحة فيه أكثر من عضو يستحق الإشادة والتقدير ..

عذبة الأنفاس : عضوة رائعة بمعنى الكلمة .. تعجبني شخصيتها بالمنتدى ، حروفها ، تعاملها ، ردودها .. موفقة خير عذوب ..
جبرني الوقت : رغم إن لقائي به قليل إلا إنه إنسان رائع في تعامله مع الأعضاء وفي روحه الحلوة بالمنتدى .. موفق خير جبور < دلع
روح : إنسانه مميزة ما شاء الله عليها .. أسلوبها يشدني .. يجعلني متابع لها على طول .. موفقة خير روح .. واستمري يا بطلة ..
وشم : مواضيعها روعة .. أسلوبها ، فرفوشة ، أخلاق .. ومبدعة بحضورها .. موفقة خير وشوم ..
الريم : يكفي هالموضوع يكون كلامي عنها .. مميزة بحضوره وأطروحاتها .. موفقة خير ريوم << ما يعرف يدلع ..
جوري : بطلة ، فرفوشة ، أخلاق ، روحها حلوة .. بس أحسها مطنشة ماهي زي أول .. لا يكون عشان أخذتي رقابة بس هع ، بس مع ذلك بطلة .. موفقة خير جورو << قلنا ما يعرف
سحابة حب : اسمك سحابة بس ساحبة علينا هع .. وين النشاط اللي عرفناه عنك وحضورك الحلو ايام زمان .. موفقة خير سحوبة وننتظر نشاط المعروف عنك ..
حمودهـ : هذا عاد عملة نادرة في حياة صدوق الود .. من أعز أصدقائي ومن أندرهم .. أخلاق ، طيب قلب ، كل شي فيه حلو .. يعني ما تعرفت على أحد بالنت زي حمودهـ .. وأيضًا مميز بقسمه وحضوره .. موفق خير حمودهـ ..
إحساس عاشق : أيضًا كانت معه صداقة جميلة .. لكن دارت حولها علامات كثيرة من الاستفهام ! ، موفق خير حس حس ..
ملامح دلع : إنسانه مرحة .. اخلاقها حلوة ، حضورها حلو ، تحب القطو كثير ههههههههههه ، موفقة خير ملوحة ..
فشفاشة : إنسانة رائعة ، تموتني ضحك ، مرحة كثير .. بس انقطعت عنا مدري وين غطست ، موفقة خير فشو ..
كبرياء : إنسان رائع بأخلاقه وبطيبته وبحضوره ، موفق خير كبور ..
روحي تحبك : يعجبني أسلوبه في التعليق أو المناقشة ، أحيانا أفطس ضحك منه ، موفق خير رويحي ..
رعش قلبي ( رجاوي ) : إنسان أخلاق وطيوب قسم ، ومرح جدًا ، يجبرني على الضحك .. موفق خير رعوش ..


هذولي اللي على بالي الآن .. واعذروني ياللي نسيتكم .. كلكم غالين والله ..



وراجع لكم يا حبايبي ..

ومن قدي المايك بيدي :)

هلا بكم مرة ثانية يا حلوين :)


اليوم بنتكلم عن البرد :)

موضوع يخوف صح هع .. حتى أحس يديني بدت تثلج لما كتبت اسمه خخخخخخ

المهم ..

وش رايكم انتوا ببرد هالسنة ؟

أحسه دلعنا شوي :)

طبعا أنا ساكن بالمنطقة الوسطى عشان كذا اقارن بردنا السنة الماضية بالسنة ذي ..

أذكر السنة الماضية لما دخل فصل الشتاء كان برد باستمرار :(

لكن هالسنة الحمد لله صار كم يوم البرد خفيف جدًا .. يمكن الصباح بدري تكون برودة عالية بعدين لما تصير الساعة 9 وبعد يصير الجو تمام التمام ..

بس أعتقد الأيام ذي بيجينا العلم :(

ايييييييييه .. الله يعين بس ..

تصدقون عاد .. أكره الشتاء :( .. أفضل الصيف عليه ..

بالنسبة لي في فصل الشتاء إذا جاء البرد ما أعرف اتصرف معاه :( .. أثلج على طول حتى لو مافي برد ..
جسمي قابل للبرودة هع ..

لكن بالصيف أحس الواحد ياخذ راحته .. صحيح تكره نفسك لما تشتغل فيه وخصوصًا لما تكون بمنطقة حارة هع .. بس مو مشكلة افتح الدش ونام تحته هههههههههههههه ما عندك أي مشكلة ..

لكن الوقت هذا .. أتحدى واحد يقرب من الموية :(

ومع ذلك الشتاء والله فيه شي حلو .. اللي هو شبة النار ..

يا ما حلا شبة النار .. من دون قز ودوافير << والله إنك صادز ياللي كتبت البيت هذا ..

ودك تشب نارك .. وتجيب القهوة والشاهي والحليب وتصلحهم بيدينك وتعزم احبابك مثل حمودهـ وكبرياء , الله على هالجلسة بس ..

بس ما ودك تداوم في البرد نهائيا :( .. ولا حتى تطلع خشمك ورا الباب عشان ما يثلج ويصير لونه أحمر هع ..

على طاري الخشم .. والله أذكر يوم كنا صغار أنا وأخوي وولد عمي كنا نلعب ولا نهتم بالبرد .. ولما ندخل البيت الوجه محمر بأكمله :(

ومن بكرة حمى وزكام ومستشفى وتهزيء من الوالد :( .. اييييييييه الله يرحم أبوي بس .. كان يهزئنا إذا شاغبنا أنا وأخوي :)

مشكلة البزر ما ينعطى وجه .. يزودها حبتين ..



مناشدة للبرد :

تكفى اخلص فارق << حلوة صح ؟ ههههههههههههههه


طيب راجع لكم بفقرة جديدة ياحبايبي ..

< ما تحسون إني في برنامج خواطر اللي على الأم بي سي في رمضان هع هع ..


لحد يقرب من شخابيطي ..

ومن قدي المايك بيدي :)

مرحبًا فيكم مرة ثانية يا قمامر << جمع قمر للي ما يعرف هع ..

طبعًا قلت لكم إني أكره البرد ..
عاد الله يعين بعد شي ساعة بطلع للدوام << حلوة شي ساعة صح ؟
ولا أدري البرد كيف ..

بس عندي طريقة ذكية دايم أضحك على البرد بها ..
آخذ الفروة وأتدفى الين اوصل الدوام هع ..

عاد ما فيه أحسن من مكان الدوام .. داااااااااااافي ما ودك تطلع منه :)
في هالحالة نحب نداوم هع ..


شسمه .. بقولكم عن صورة وصلتني على الايميل قبل شوي ..
صراحة صورة فظيعة ومخيفة :(

الصورة سلمكم الله عن الأردن ..
وش فيها الأردن ؟

الأردن صارت كلها ثلوج :(
الشوارع ، الأرض ، الأشجار .. كل شي صار أبيض ..
لدرجة شفت واحد واقف والثلوج لنص جسمه مدري كيف حي للحين ؟ ! ..

المهم ..

يقولك قبل سنتين كانت الثلوج على روسيا .. والسنة الماضية على الشام سوريا وطقتها :)
والسنة ذي على الأردن .. والسنة الجاية على مييييييين ياحلويييييييييين ؟


في وسط بيوتكم هع ..
الله يعين السنة الجاية علينا :(

عمومًا إن شاء الله مجرد معلومة تخويفية :)


ايه .. وش أقولكم بعد وش أقولكم ؟ << يفكر

صدق المايك إحراج << ياشيخ طوس بس
يعني تحس الواحد واقف على مسرح قدام آلاف الجماهير << ليش محمد عبده والا كاظم على غفلة هع


أعزائنا القراء المحترمين ..
فاصل ونواصل ..

ابقوا معنا << مذيع ..


ومن قدّي .. المايك بيدّي :)

رجعنا بعد الفاصل << أول مره أشوف فاصل 5 ساعات هع ..

المهم ..

صراحة أنا رجعت للأعضاء الحلوين اللي تم اختيارهم للمايك قبلي ..

فشفت إن الشباب بالذات يعرفون بأنفسهم ويذكرون بطاقتهم الشخصية ..

فقلت يا صدوق ليش ما تسدح بطاقتك هنا زي الشباب .. مع إني قد سدحت اسمي بس مو مشكلة نعيده ..

الله يسلمكم اسمي : نادر العتيبي ..
أبلغ من العمر 26 ربيعًا << ياعمري على الكلمة :)
حاصل على بكالوريوس في اللغة العربية من جامعة الملك سعود بالرياض ..
مع إني بعد التخرج أحس انزاح هم كبير مرة عن صدري وكان يخطر ببالي أشيل شي اسمه دراسة من بالي ..
لكن ما أخفيكم إني حبيت الحصول على مؤهلات أكثر وأزيد من تعليمي .. فدار براسي هالأيام فكرة الماجستير ..
عسى ربي يوفقني ويدلني للصحيح اللي فيه خير سواء أدرسها أو لا ..
ودعواتكم لي ياحلوين :)


من هواياتي : النت .. لا يمكن أتخيل نفسي بدون نت .. أحس إني تعمقت فيه لأبعد الحدود .. وغطست ببحره لآخر عمق فيه ..
لدرجة إن له تأثير علي في دراستي الله يسامحه :(

كذلك أعشق السفر .. رغم إني ما حققت شي لرغبتي في هذه الهواية .. بس إن شاء الله القادم أحلى :)

وبس :)


طبعًا المفروض المقدمة ذي تكون ببداية الكلام لكن تو جت على بالي خصوصًا لما قريت استضافة الحلوين اللي قبلي :)

وتعرفون الواحد لما يكون بموقف كبير زي المايك ينحرج شوي وما يدري وش يقول هع ..



طيب يا حلوين .. فاصل قصير ونواصل معكم << دامه قصير شكله ساعتين هع ..


ومن قدي .. المايك بيدي :)

مرحبا يا حلوين ..
رجعنا لكم ..

أبشركم اليوم الجو تمام التمام :)
برد خفيف في الصباح الباكر << حلوة
بس بعد كذا طلع حلو :)

على طاري الصباح الباكر .. ليش اليوم تاركيني بالمنتدى لحالي :(
زعلت عليكم وطلعت ..
تعرفوني أخاف أجلس بالمنتدى لحالي هع ..
لا عاد تتعودونها ..


طيب راح أتكلم عن هواية أخرى غير اللي ذكرت ..

وهي هواية ( الشعر ) ..
حقيقةً أنا أهوى الشعر وأحب أقراه واسمعه ..
والحمد لله الوقت هذا صار فيه اهتمام بالشعر .. رغم إن بعض هذا الشعر ما ودك تسمعه :(
من ضمن الاهتمام برامج الشعر اللي انتشرت وكلكم عارفينها ..
لكن صراحة نشوف شعار يُظلمون فيها .. يعني فكرة البرنامج روعة لكن التنفيذ غلط ..
وعشان أوضح لكم أكثر .. أبتكلم عن برنامج ( شاعر المليون ) ..
الفكرة ما عليها كلام .. لكن ما أعتقد إنهم وفقوا كل التوفيق في تنقيذه ..
لأن بصراحة فيه شعار مغمورين ولأول مرة يمكن يطلعون بالإعلام لكن والله شعار بمعنى الكلمة ..
وممكن أحد يخالف أي شخص آخر في الحكم على شاعر .. وهذا شي موجود ويرجع للأذواق ..

أنا أحب الشعر الجزل .. اللي تغلب على ألفاظه الجزالة المعروفة قديمًا ..
يعني أحب الشعر القديم أكثر من الحديث ..

من شعاري المفضلين :

سلطان الهاجري
لافي الغيداني << هالآدمي في شعر الوصف ما مثله ما شاء الله عليه .. يبهرني كثير في وصفه لأي شيء كان ..
سعد ابن جدلان
بندر بن سرور

هؤلاء الأربعة يغلب على شعرهم الجزالة القديمة كما قلت ..

وأحب أختار لكم بعض الأبيات الرائعة التي تتردد على مسمعي دائمًا .. إلى درجة أني قمت بترديدها لا شعوريًا لروعتها :

اممممممممم

يقول الشاعر المميز لافي الغيداني متغزلاً :

هلا فيكم مرة ثانية يا قمر انت وياه :)

صباحكم ورود الدنيا ..

يعني ما نفع معكم الصراخ والتهزيء اللي أمس :(

تاركيني لحالي اليوم كمان :(

لو يجي حرامي يسرق ما جبتوله خبر هع هع ..

المهم مالكم بالطويلة ..

البارح المنتخب يستحق الخسارة وعن جدارة كمان :(

والله غريبين في البطولة ذي .. تقول أول مرة يلعبون كرة قدم ..

التمريرات قصيرة ومقطوعة .. واللخبطة واضحة بنص الملعب ..

وتقول كأنهم شايفين وحوش قدامهم .. والله كان نفسي أكون بالملعب عشان أنزل وأصفقهم < قوي

المهم اللي صار صار وطارت الطيور بأرزاقها ..

وعمان والله يستحقون البطولة .. لأنهم من بداية البطولة وهم ماشين صح ..

والدليل إنهم أفضل بالمستوى البارح ..

فمبروك للعمانيين ويستاهلون ..

وحظ أوفر لنا ..


كان معكم المحلل صدقدق .. من قناة زمن قاسي هع ..


وراجعين لكم ياحلوين :)


و من قدي .. المايك بيدي :)

مرحبا يا عسولين :)

أنا في قمة السعادة اليوم .. لأن ما فيه برد :)

الجو رهيب جدُا اليوم .. وتقدر تاخذ راحتك فيه ..

تقدر تاخذ لك دش .. وتطلع برا على طول بعد هع ..

ياليته دايم كذا :)

وش اقولكم .. والله المايك هذا نشبه << يقهر الريم

لحظة باكل حلاوة << جنبه هع

يا سلام .. لزيزة أوي ..


المهم شباب وبنات بقولكم شي ..

الأمير سلطان البارح وبّخ محللين قناة الرياضية :(

اللي هم فيصل أبو ثنين والرومي وجاسم ومدري من معهم .. بس ركز الكلام على الثلاثة ذولي ..

صراحه أحس ماله داعي الكلام هذا .. مع إحترامي لأميرنا الغالي ..

يعني المفروض تنصحهم أحسن من كذا .. لكن بألفاظ محرجة أمام الآلاف من المشاهدين مالها داعي :(

وبعدين أتوقع لو فزنا ما راح يصير اللي صار ..

عمومًا .. هذي أحوال الكرة .. يوم لك ويوم عليك ..
وعمان يستاهلون صراحه ..

والقادم أفضل إن شاء الله ..


تصدقون عاد ؟ .. مابي المنتخب يتأهل لكأس العالم .. مانبي خساير مالها داعي :)

وفي نفس الوقت أبيه يتأهل عشان نقهر البعض :)

المهم الله يستر إذا تأهلنا بس :(


طيب تراني قاعد اشخمط على عماها وكل ما ذكرت شي كتبته :(

صدق ما عندي أي شي أكتبه ..

ولو أنهي المايك الحين تذكرت كل شي :(


المهم عطوني فرصة أتذكر وش أكتب وأرجع لكم :)


و من قدي .. المايك بيدي :)